السلام عليكم ورحمة الله وبركاته...
هذا موضوع وصلني على الايميل... بس انا أعرف هاذيلا البنات... هاذيلا ربعنا... ويانا في الكليه.... وما كان بيدهم شي الا انهم يكتبون ها الايميل ويطرشونه حق العالم عشان يعرف معاناتهم ومعانات كل وحده تدرس في كلية التقنيه في الشارجه.... صدق معاناه وظلم...
سالفة البنتين..سالفه صارت من كمن يوم....
وهذا هوه الايميل... وهاذي هيه المعاناه
كليتنا ها اليومين عندها حالة تصفية للبنات يقومون بطرد الطالبات بسبب و من غير سبب...
( بخبركم باللي صار )
قبل شهر كان عندنا بحث يشمل مواد اللغة الانجليزية و الرياضيات و الكمبيوتر, و مطلوب على طالبات السنة التأسيسة للدبلوم العالي, و نحن في الكلية عندنا 12 صف و كل صف فيه تقريباً عشرين بنت يعني كم بنت تسوي البحث؟؟؟ تقريباً 240 طالبة
في يوم التسليم الكل كان يبي يسلم البحث في وقته و المكتبة كانت زحمة بشكل فظيع... يعني اللي تلاقي لها كمبيوتر فاضي هذه محظوظة... و عندنا بالمكتبة بس اربع طابعات و كل طابعة تشمل تقريبا 10 إلى 15 كمبيوتر.. يعني تطبع الأوراق في وقت واحد
وحدة من ربيعاتنا شو صار فيها و هي تطبع أوراقها تبي تخلص بسرعة و تسلم البحث على الوقت بالغلط اختلطت ورقة من أوراق صديقتها عندها و هي ما تدري و من السرعة ما راجعت على أوراقها و راحت غلفت البحث و سلمته على آخر الوقت..
قبل يومين و هي قاعدة في الصف حالها حال أي وحدة يتها وحدة من الخدمات التعليمية و قالت لها انتي شو تسوين هني قاعدة تعالي وياي عند المدير...
طلعت البنت معاها و هي ما تدري شو السالفة, المهم راحت دخلت عند المدير كلمها و قالها انتي غاشة بالبحث, استغربت قالت كيف غاشة؟؟ قال لها لقينا ورقة من أوراق وحدة من بنات صفج بين أوراقج يعني انتي غاشة, قالت لهم لو بغش ما بخلي اسم البنت مكتوب و رقمها الجامعي كنت غيرتهم على الأقل, و شي ثاني قالت لهم أنا بحثي ناقص بعض الأوراق يعني لو بغش كنت حطيت كل الأوراق مو ورقة وحدة, قالوا لها لا هذا غش.. و سوو لجنة تحقيق و طبعاً لجنة التحقيق تتكون من المدرسين و المسؤولة (Supervisor) و مدير الكلية و طبعاً الكل أجانب باستثناء المدير اللي هو بالاسم عربي بس و قرروا بفصل الطالبة و خذوها و حطوها بغرفة مع مدرسة تراقبها و ما رضوا أي حد يدخل عليها (حبس انفرادي) البنت من الصبح لا كلت و لا شي و يالسة تصيح مب عارفة شو تسوي و قالوا لها اتصلي باهلج خل ياخذونج خلاص انتي انفصلتي...
تمت البنت تصيح مستغربة من الموضوع... فصلوها بدون لا يسمعونها و لا شي!!! و لا اتصلوا بالأهل و استدعوهم قبل ما يوقعونها على الفصل!!! لا و المدير يقول لها اذا عندج واسطة خل يردونج عندج اسبوعين (حتى الدراسة صارت بالواسطة ) ردت البنت البيت و هي تصيح مب عارفة شو تسوي ضيعوا مستقبلها كامل...
هذه السالفة أمس صارت... و اليوم بعد سالفة ثانية صارت 3 بنات انفصلوا..
ثنيتين من ها البنات انفصلوا بنفس السبب ( الغش
البنتين معروف عنهم انهم مجتهدات و هم في يدسون في أعلى مستوى لصفوف الأساسي... يتهم اليوم وحدة من الخدمات التعليمية و نادتهم و خذتهم للمدير و الله انتوا بتنفصلون لأنكم غاشات للبحث... قالوا لهم كيف غاشات و احنا متأكدين من البحث.. والله انتوا نقلتوا بعض المعاني من المعجم (Dectionary) قالوا المدرسة قالت لنا نكتب معاني للكلمات و اكيد بننقله من معجم يعني معنى كلمة كيف تبونا نكتبه؟؟؟ قالوا لهم لا خلاص هذا غش و انتوا مفصولات... انفصوا بدون لجنة تحقيق و لا استدعاء للأهل... و قامت وحدة من الخدمات التعليمية خذتهم لين خزانة الكتب و كانت تصرخ عليهم و تقول لهم: يالله بسرعة خذوا اغراضكم و عطوني البطاقة الجامعية و طلعوا...
الحين بالله عليكم هذا سبب عشان يضيعون مستقبل البنات
ها الكلية عمرها ما كان فيها انصاف و لا عدل للطالبة... يعني المدرس لما يغلط صح... لكن الطالب إذا ما غلط غصباً عنه يطلع غلطان...
المصيبة في الكلية في شي اسمه مجلس الطالبات لكن نحن نسمع عنه بس و ما نشوفه... مجلس الطالبات اللي لازم يحل مشاكل الطالبات و يشوف متطلباتهم فالح بس في الحفلات و المناسبات يقصدون أشعار و أغاني و رقص...
و أنا أبي أعرف في أي كلية أو جامعة في العالم يتم فصل الطلاب نهائياً بسبب الغش؟؟؟ ممكن يفصلون الطالب فصل دراسي واحد لكن طول عمره ما يدرس؟؟؟؟ وين التطور و التشجيع على التعليم؟؟؟
عطوني راي نبي حد ينصفنا... شو نسوي يعني؟؟؟؟ وين نروح؟؟؟؟
أنا أتوقع باجر حد من الخدمات التعليمية اييني الصف و يقول لي مع السلامة انتي مفصولة... صرت أسلم على البنات خلاص... أجهز عمري من الحين
الله يرحمنا برحمتة يوم إن في بلادنا مو لاقين اللي ياخذ لنا بحقنا...
-----------------
هاي السالفه صدق استوت وانا شاهده عليها... و انا أعرف هاذيلا البنات..ما شااء الله عليهم شااطرات ودرجاتهم كلها توب.. ومب محتاجين يغشوون من أي حد.. وحراام عليهم..كان باقي بس أسبوع على الامتحانات عشان يخلصون..حراام اللي سووه فيهم
بس والله العظيم ظلم كبير يصير في الكليه والكل سااااكت عن ها الشي... والله ودي اليوم قبل باجر أطلع من هاي الكليه وأفتك...
و السمووحه منكم اذا طولت عليكم.. من القهر
