سندويجات فليه لذييييييييذه

[dmoo3_ad]

السلام عليكم ورحمة الله وبركاته

اليوم بحطلكم سندويجات لذيذه يحبونها اخواني ويطلبونها... وطلبوا مني اسويها مره ثانيه وانا طنشت لين مااتفيج

:الطريقة
تغسلين الدياي .. واذا كانت القطع كبيره اتقصينها قد قطعة الفليه -
اتسوين خلطة عباره عن ( حليب + بيض + خل ابيض + فلفل اسود وابيض وملح ) لاتكثرين من الخل عشان -
مايكون حامض وايد ... والببض بعد عشان مايطلع طعم بيض ...والكمية تحددينها على حسب قطع الدياي
اتغمسين الدياي في الخلطه واتخلينها في الثلاجة ساعه عشان الخلطة تثبت في الدياي -
بعد ماتظهرين الدياي من الثلاجة تحطين في خلطة متكونه من طحين ونشا وبكنج بودر ... وتقلينها -

خلصنا من الدياي... الحين بنسوي السندويجات ( يفضل تسوينها في هالصمون ... يطلع الذ من الباقين ) شوفي الصور وبتعرفين شو اقصد

اول شي تدهنين السندويجه بالمايونيز من الطرفين بس لا تكثرين الا اذا تحبين وايد مايونيز

وبعد ماتدهنين تحطين خس وفوق الخس الفليه وفوقهم الجبن... بهالتريب مثل الصورة

واذا تبين الجبن يسيح سويه اول ما تخلصين قلي الدياي
او اتسوين كل السندويجات وتكونين فاتحه الفرن من فوق ومن تحت ولما تخلصين من السندويجات
ادخلين السندويجات واطفين النار... واتريي شوي...يعني قولي سبحان الله والحمدلله والله اكبر 33 مره
وعقب فتحي وشوفي اذا ذاب ولا لا وعطيهم على طول ياكلونها

وهاي كم صوره سريعه





اتمنى انها عيبتكم ...جربوها لذييذه وكانها من الكفتريا واحلى وانظف...

لاتنسونا من دعواتكم
فمان الله

منقـــــــــــــــــــــــــــــــــــــــــــــــ ــــــــــــول

[اماراتfm]

يوعتني والله

تسلم ع الصور

[المجرمة]

مشكووورة اختي .. الصراحة يوعتيني ..

يعطيج العافية .. ^ــــــ*

[dmoo3_ad]

شكرا على ردكم اخواني يعطيكم العافيه وبالتوفيق للجميع انشالله

[ضوا شموعي]

يسلمو وما تقصرين يا دموووووووووووع